Noctis, + k photo

Jesus Mari Arruabarrena (Durango, Bizkaia, 1964). Bideo-ikasketak egin zituen Madrideko Centro de Estudios del Vídeo-n eta argazkigintzari buruzko ikastaro asko egin ditu: Antoine D´Agata, Giorgia Fiorio, José Manuel Navia, Ricy Dávila, Oscar Molina, Juan Valbuena, Arianna Rinaldo, Matias Costa eta Victor Steinberg. Hainbat liburu argitaratu ditu: Antzinako ogibideak galbidean, Azken belaunaldia, Baserria. Oroimenari loturik, Gertukoak / Ausencias eta Moo. Aldizkarietan eta egunkarietan ere argitaratu ditu bere lanak: Geo, Península, El País, Integral, Emakunde, etab. Argazki-ikastaroak ematen ditu Bizkaiko kultura-etxe batzuetan eta argazkigintza dokumentalari buruzkoak UEUn. Urte askotan ikus-entzunezkoen arloan ibili da lanean, ETBrako gidoiak idazten eta dokumentalak nahiz marrazki bizidunak euskaratzen.

Txelu Angoitia (Durango, Bizkaia, 1960). Londresen bideo eta argazkigintza-ikasketak egin ondoren, Magnum agentziako fotografoen eskutik trebatu da argazkigintzan. Erakusketa asko egin ditu eta hainbat aldiz saritu dizkiote argazkiak arte plastikoen alorrean. 
Lanbidean ibilbide oparoa egin du: fotokazetaritza, publizitatea, argazkigintza soziala, elkartasun-proiektuak, etab. Azken hamarkadan argazki-ikastaro ugari eman ditu. Lan pertsonalean honako liburu hauek argitaratu ditu: Inventario (1998), Paralelo 21 (2005) eta Angst (2013). Literaturaren eta argazkiaren arteko harremana asko interesatzen zaio, eta beharbada horregatik bere estiloak dokumentalgintza subjetiborantz jo du azken aldian.